19
02.2014

❤❤ 11月份五日四夜。台灣遊記 ❤❤

飲食烹飪   環球旅遊   攝影寫真  



上年11月跟HONEY 及兩位朋友一齊去台北旅行~~
雖然唔係第一次去台灣, 但係今次都去左好多未去過既地方''*
宜家諗返起都好有衝動再去多次啊!!!

今次我地既行程都係離不開食, 食, 食到埋食.....
同埋最期待既泡湯行程呢~~~

首先去到西門町, 第一時間就去到捷運站的旅遊服務中心登記申請 iTAIWAN
只要比 PASSPORT 個職員就會幫你申請, 同埋教你點登入架啦~~~
登記左一次之後以後你再去台灣就可以用返個LOGIN 同埋 PW 用, 無需再登記呢''*

參考網址:http://www.travelclassroom.net/2013/05/itaiwan-wifi.html

真係非常方便, 好多地方都用到的''*
就算出到去有咩時要上網, 都冇問題啊~~~



今次住的酒店正正於西門町 (璞麗酒店 Puri Hotel)
酒店都係普普通通咁無咩特別, 貪佢地方就腳又夠哂方便咋~~~

去到酒店一放低D 行李就去左買【阿宗麵線】啦!!!
始終都係覺得佢最好味, 又夠大碗, 去台灣必食''*



夜晚就落左師大夜市掃野食~~
食左好多野, 不過唔記得影相, 淨係影左哩個好味既魷魚!!
味道可以自己選擇, 我地就揀左泰式酸辣, 即叫即整, 熱辣辣味道好正''*


之後就去左行街. 仲買左我第一對既"新平衡" WR996 灰色斑馬紋!!!!
計返港紙 HK$600 唔駛, 真係好抵好抵啊''*
而係光南大批發就淨係買左幾對襪, 同埋幫朋友買既野~~~

第二日既早上, 本身想去食阜坑豆漿, 點知超級多人排隊''*
所以係附近搵左間永和豆漿~~



叫左餃子, 蛋餅, 小籠包同埋飯圈~
四個人食都已經好豐富啦, 味道都唔錯的啊''*



然後就搭的士去上引水產啦~~~
由於知道要等既關係, 都係食定早餐去排隊吧!!!!



首先我地去左立吞區同埋炭燒區拎飛先, 睇下邊度快就食邊度先啦~~
見到師傅燒緊D 長腳蟹腳真係流哂口水啦已經!!!!

炭燒區係差唔多到我地既時候, 即刻飛去立吞區拎張新飛''*
咁樣食完炭燒區再過去立吞區就應該差唔多到啦~~~



我地叫左燒蠔, 燒牛, 燒扇貝, 燒鮑魚同埋燒長腳蟹腳!!!!
樣樣都好新鮮又大隻又好好味啊~~~
圍返每人都係 HK$200 左右, 真係好抵食''*



兩個人分一隻長腳蟹腳真係唔夠喉啊~~~
雖然已經好大隻, 不過真係想食多幾隻呢''*

之後就去左立吞區啦!!!
我地四個人叫左一個SET 再加多個湯~



因為真係飽飽地既關係, SHARE 個SET 都好夠啦!!!
壽司刺身都好新鮮, 兩款湯物都好好飲, 整體黎講不錯~
不過唔算太特別''*

但係好後悔冇食到個 SEA FOOD BAR 啊~~
下次一定會再黎過, 食哂三個 SECTION!!!!!



食飽飽周圍行左陣之後, 就搭的士去左最近既士林區咖啡弄''*
香港太多人食唔到, 唯有黎台灣食啦~~~~
大概 4點零黎到, 等位既人都唔算太多, 所以都好快有位啦!!!



我地叫左個法國麵包咖哩牛腩, 草莓冰淇淋鬆餅, 冰鮮果茶及黃金拿破崙千層派''*
出奇地個咖哩牛腩都好好味, 係帶甜個隻咖哩~~
鬆餅就新鮮熱辣辣製成, 外脆內軟, 配埋草莓真係好夾喔!!!!

而個一壺冰鮮果茶真係飲唔哂呢, 不過好特別幾好味道喔~~~
反而那個黃金拿破崙千層派就冇咩特別''*



最後返酒店休息左一陣, 又再去食過啦!!!
今次揀左這間 "馬辣頂級麻辣鴛鴦火鍋", 哩間冇得 WALK IN架~~
我地都係前一日訂定咋~~~

任食黎講真係好抵食, 又有海鮮又多款式''*
而且汽水甜品, 牛肉豬任叫, 每人都係 HK$150 左右~~
就可以食到飽啦!!!


食飽就去行左陣, 跟住就去左按腳''*
哩度就係第二日既戰利品呢, 買左件棒球外套比妹妹!!
仲係酒店對面既 86 小店 SHOPPING 添~~

第三日又係早早起床~
要出發搭火車去瑞芳再轉小火車去十分啦''*



記得上網 CHECK 定火車班次同時刻表啊~~~
咁樣就唔駛呆等火車啦''*



我地就坐小火車去到尾站菁桐開始玩返轉頭!!!
哩度就係那些年個條火車軌~~

仲有好食既燒烤雞翅包飯, 係雞翼入面釀左D 飯一齊燒''*
估唔到咁好味架WOR~~~



之後就行去情人橋啦!!!
其中只係一條短短既橋, 反正要等下一班火車, 就影影相~~



之後就去買木製明信片做手信~~
當然要寄返一張返自己屋企留個紀念啦!!!



跟住就去平溪站啦''*
趁未有火車黎既時候, 又係路軌度影返張相黎!!!
其實平溪冇咩特別好行, 都有得放天燈買手信咁啦~~~



跟住就到十分站, 當然要放返個天燈啦~~
我地揀左四隻唔同色既天燈, 希望願望成真, 事事順利喔!!!!

之後就行左去十分瀑布, 原來要要入場券, 去到冇理由唔入去睇下既''*
睇完就行返去搭火車, 拖住疲倦既身軀去食野嚕~~~



我地搭火車去到基隆, 再行去基隆夜市~~
好多野食好多款揀, 我地食左蟹肉翅+糯米飯!!!
仲有好耐冇食過既香酥一口蟹, 脆卜卜好香口呢''*

第四日我地就 Check Out 去溫泉酒店啦~
我地執左 D 要用既日用品, 將行李放係璞麗酒店就出發啦!!!
今次我地揀左係陽明山上既【天籟溫泉渡假酒店】
係台北車站搭公車就可以到達, 車程大約一小時左右啦!!



我地揀左有私人露天風呂既房間~
夜晚可以自己同愛人浸浸溫泉, 好舒服啦一定!!!



房間外係望住山景, 周圍都好寧靜~
可以休休閒閒地過一晚喔''*



我地買既 Package 係包左早餐, 下午餐及晚餐的!!!
無限浸溫泉, 及季節限定活動呢~~~

就黎帶我地去睇海鮮, 同埋去左金山老街''*
我地仲買左D 地瓜片, 芋頭片做手信, 又平又好味架!!



晚上食飽飽就換衫去浸溫泉啦~~
我地浸個隻係要著泳衣架, 微寒既天氣去浸溫泉真係爽 YY 啊''*



第五日我地就要返市區, 去酒店拎行李''*
同埋作最後衝刺去買野啦~~~~
最後就同台灣朋友合照, 又唔知幾時先見到啦!!!

原來都買左唔少野返黎啊''*
有台灣好出名既佳德鳳梨酥, 李儀既太陽餅同埋芋頭酥~~
梗係唔少得老天祿鴨舌啦, 仲有我一飲愛上既"純粹。喝"系列既奶茶咖啡!!!!

五日四夜好似唔係太夠~
真係好想快 D可以再去台北啊''*

今次台灣遊記就簡略D, 記錄返我去台灣食過玩過買過既事啦!!!!
就這樣嚕~~~

♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥

歡迎大家跟我聯絡喔~
Email: winniecard@yahoo.com.hk


theZtyleBeautyLifeBeautyExchangeFnBshe.comELLESinaUbeautyQooza
BlogspotBlogDBFanPieceWeShare 

Kami 嘉美 の 貪靚鬼愛分享

Promote Your Page Too
   

發表於2014.2.19
留言(0)
博客名稱:
Kami
網誌名稱:
Kami 嘉美 ❤ 貪靚鬼
使用天數:2,509
性別:
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 攝影寫真
  • 星座算命
  • 文化政經
自行分類
最新留言
熱門文章
  • 頂級設計.各具風格的飾品 ❤ 全新網上購物平台 Glamourpods

    網購已經成為我們的其中重要的一環''* 足不出戶可以買到各類型的東西, 無講食品, 衣物, 飾品都一一可上網購物!!! 最近我認識到一個很獨特的網上購物平台:Glamourpods 這購物平台是由三位女性合作伙伴共同創立:Amy Malik, Liz Wombell & Ming Ng 她們將全球頂尖的獨立設計師帶到香港, 於網上出售多款設計師們的單品''* 早前亦感謝她們的邀請, 可以跟三位創辦人於中環的 Boqueria 共進晚膳~ 當天豐富的西班牙菜式~ 樣樣都很美味, 而且最特別的是原隻燒乳豬喔''* 當然仲可以現場欣賞多款既獨特又時尚及富有創意的單品!!! 有陶瓷飾品, 適合男女配戴的飾品, 以及高貴大方的飾品也可以找到~ 品牌將焦點都放在新晉的設計師身上~ 令顧客可以欣賞到與眾不同, 令人興奮的手工設計''* 而且是非一

  • 分享: 彩豐行 - 袪印精華液 & 抗氧滋潤晚霜 sample

    之後因為係彩豐行訂左野__佢仲送左D SAMPLES比我呢''*今次就介紹一下佢地送既2款samples啦~!!!第一款就係: 白米骨膠原袪印精華液說明: 利用結晶體科技追蹤沉澱的頑固黑色素,然後集中結晶處理,迅速淡化,打散色素,更直接剌激骨膠原及細胞更生,減少製造不正常黑色素

  • 不靠外表‧只靠內在 ❤ OLAY Total Effects

    早前出席了一個既秘密又感覺奢華的品牌活動''* 活動於奕居 The upper house 舉行~~ 內裡擺放著的產品都以金色瓶身盛載~ 感覺非常矜貴, 難道是尊貴品牌的新產品???? 之後再用此產品牌進行手部按摩~~ 先聞一聞 Cream 的味道, 帶有淡淡的花香, 很清新; 質感很滋潤柔滑, 按摩一陣就已經完全吸收, 仲非常清爽!!! 大會天準備了精美的茶點及玩紋身貼紙呢~~ 係現時很時興的金銀色系, 很多明星都有貼的喔!!!! 等我都貼返一兩個型下, 真係幾靚架''* 登登登....終於揭曉答案!!! 原來係 OLAY 全新包裝的【升級版多元修護 UV防曬霜】 大家確實意想不到呢~~~ 沒有華麗的包裝, 只靠實而不華的內在,同樣出色''* 剛剛做 Hand Massage 時大家都讚不絕口!!! 全新升級 Total E

  • 加里西亞的海陸佳餚 ❤ 灣仔維景酒店 Le Chef

    為食既我喜歡嘗試不同國家的佳餚~ 早前再次來到灣仔維景酒店餐廳 Le Chef 品嚐行政總廚 Francisco Pazos 家鄉加里西亞的美饌配搭亞洲風味的菜式''* 遠道從西班牙加里西亞而來的 Chef Frank 係今年3月加入 Le Chef 後~ 積極引入多款來自家鄉的名菜, 讓大家身處香港也可以品嚐到加里西亞的風味!!! 今次的加里西亞餐單更糅合創意及傳統精粹~ 部份菜式都是用上加里西亞進口的食材''* 先先來杯新鮮果汁, 可以任意配上兩款不同的生果, 調配出獨特口味的果汁!!! 我這杯是火龍果口味, 果汁好Fresh, 於晚飯前開一開胃, 正啊~~ 前菜當然少不了麵包, 這些都是 Le Chef 自己烘焙的, 而且有兩款選擇!! 暖暖的麵包很新鮮, 外面脆脆的, 內裡又十分鬆軟~ 還有配菜奉上, 特調的醬汁配上新鮮的車厘茄, 很特別呢''*

  • 在家享受 の 超正美容 ❤ 日立 Hada Crie 離子美容清潔及保濕器 CM-N8100BF

    想每日都可以在家中享受自由自在的美容潔膚??!宜家有左日立 Hada Crie 離子美容清潔及保濕器就可以成真啦~早前出席了日立 Hada Crie 既工作坊體驗下佢啦''*場內擺放了各種日立推出過的離子美容器!!而最新的Hada Crie CM-N8100BF 是集結美容清潔及保濕

最新活動

【新春好去處】最期待賀歲片一覧...

仲有一個月就到農曆新年,睇賀歲片係不可少嘅家庭活動。今年有多...