01
02.2016

澳門親子之旅:暢玩澳門科學館

環球旅遊   親子育兒  

4 JANUARY 2016(MON)

難得舅父幫小小豬搵到勁優惠嘅酒店等佢可以去跳床所以我地就偷雞放多兩日去渡假啦(我地返左四年學都係第一次所以都唔係好過分啫...哈哈哈)~
Picture

我地一落船就即刻去我地第一個目的地就係好多朋友仔都話會玩到唔願走嘅澳門科學館~
Picture

成人票價$25,小朋友就$15,我覺得票價都合理,幾十蚊就可以玩餐飽...哈哈哈~Picture

拎住啲行李玩會好唔方便?其實係展覽廳入口旁有一個自助行李寄存,可以俾大家存放行李,最重要就係....費用全免呀~
Picture

未正式進入展覽廳之前,旁邊有一個親子互動區,其實就即係一個兒童遊戲區,可以話未出發就可以先放電~
Picture

一見到依個遊戲區,小小豬當然又嚟心心眼,就俾佢玩一陣啦~
PicturePicture

好啦....我地嘅戲肉嚟啦,終於入各展覽區玩啦~
Picture

原來整個展覽館都有好多層,好多唔同嘅題材,唔怪之得朋友仔話要留係度玩大半日先得呀~
Picture

由於第一及二館進行維修,所以小小豬一嚟就係去最啱佢玩嘅兒童樂園廳睇個名就知入面係專俾小朋友玩啦

其實入面係分左兩部分,首先就係一啲小遊戲等小朋友學習一啲簡單日常生活中都會面對嘅科學智識~
PicturePicturePicturePicturePicturePicture

另一部分就好似一個模疑地盤工作,所以大人同小朋友都要著上安全套裝呀~
Picture

係依個小地盤入面,小朋友就可以利用一啲棉膠做成嘅小磚頭嚟起屋..運送..等等。其實當中都包含一啲科學原理,不過小小豬都一於好少理,好忙咁不停周圍玩呀~
PicturePicturePicturePicturePicturePicture

離開兒童樂園廳之後,原來仲有一個更加好玩嘅地方,就係先童科學廳。其實依個可以話係一個玩水樂園,因為係以水為主題,利用水嘅唔同特性等小朋友寓學習於娛樂~
Picture

有得玩水小小豬當然係極度興奮,佢仲投入到玩到兩隻手袖濕晒,真係攪到我唔知好嬲定好笑呀~
PicturePicturePicturePicturePicturePicture

之後我地就去科學快車廳~
Picture

其實依個就係一個小小嘅科學啟發區,有啲小遊戲可以加深小朋友嘅科學認知。雖然啲小遊戲冇之前兩區咁刺激好玩,不過小小都一樣玩得好投入呀~
PicturePicturePicture

之後我地就去到機械人廳,初時都以為冇嘢啱小小豬玩,但原來都係好吸引,先嚟同機械人比賽砌圖~
Picture


之後就俾啲指示機械人拎行李~
Picture

仲可以同機械人一齊捉圍棋,我地都玩左唔知好幾十次,每一次都係機械人嬴,所以真係人腦不及電腦呀~
PicturePicture

接住我地就去聲學廳,小小豬一向都幾鐘意音樂,所以佢係依度見到好多唔同種類嘅發聲樂器,所以佢都玩得不知幾興奮呀~
PicturePicturePicturePicture

之後我地都路經地球廳、DNA廳同環保廳,其實依啲題目唔好話小小豬,就連我都覺得有啲深(哈哈哈),所以我地都只係簡單行一轉啦~
PicturePicture

嚟到運動健康廳,原來又係一個好好玩嘅地方,入面有好幾個唔同嘅測試區,等我地可以了解自己身體體質,估唔到平日都少正式運動嘅小小豬係啲評估都合格哦~
PicturePicturePicturePicturePicturePicturePicture

原來仲有一個運動競技廳可以俾小小豬玩,入面有好幾個唔同種類嘅模疑電腦運動~
PicturePicturePicturePicturePicture

仲有一個籃球場可以隨便打籃球添~
PicturePicture

最後一個展廳就係食物科學廳,依度展廳主要係講解食物營養、食品安全及煮食的科學原理唔好睇少依度只係電腦遊戲多,好幾個電腦程式都拎左獎,易明又好玩呀~
PicturePicturePicturePicture

唔覺唔覺我地玩晒十四個展廳,都用左約唔多四個幾鐘,唔怪之得好多朋友仔話嚟要行大半日,經過今次之旅.....我真係信啦!

其實又真係幾好玩,一次過可以接觸到唔同類型嘅小遊戲,雖然小小豬都可能未必明白當中與科學嘅關係但佢每一項遊戲都係玩得好投入,又嚟問題BB上身咁每事問,我想佢都應該有少少得著。所以都幾值得向各朋友仔推介依個咁好玩嘅地方呀

臨離開時,當然唔少得我嚟科學館嘅其中一個目的,就係嚟影心心樹啦~
Picture

哈哈哈....雖然明知係依靠人手修飾做成,但見到心心機嗰一刻又真係嘩...嘩...嘩左幾聲,因為真係好靚好特別呀!

 

**我地嘅FACEBOOK FAGE,唔知大家LIKE左未呢?**
小小豬的成長日誌
大家一齊嚟交流下煮飯仔及去玩嘅親子樂啦

 

發表於2016.2.01
留言(0)
博客名稱:
*♡♡小肥豬♡♡*
網誌名稱:
小肥豬♡♡開心家庭篇♡♡*
使用天數:2,780
性別:
按月份瀏覽
    2021
  • 一月
  • 二月
  • 三月
  • 四月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 攝影寫真
  • 戀愛心情
  • 文化政經
  • 其他
自行分類
最新留言
熱門文章
  • 益智玩具

    9 MARCH 2012(FRI) 今日下午,小豬媽同LULU妹帶左小小豬去玩具反斗城行街街。當佢地行到去買益智併圖板嘅地方,小小豬就已經急不及待咁拎住塊ABC板呀~ 一塊都唔夠,佢見到圖案同數字嘅板都好興奮~ 仲即刻坐左係地上面邊玩邊讀啲字出嚟添~ 當小豬媽話走去俾錢時,小小豬竟然可以一手拎晒三塊

  • 人整我又整

    我見好多朋友仔都有整KITTY冰皮月餅,今日我路過7-11,見都有得買,咪諗住試吓。超開心呀!因為我成日整嘢都唔成功,所以都諗住失敗左就算,當玩啦~點知真係得左,起碼有個KITTY樣睇,依家就放左入去冰箱雪緊,等雪凍之後就可以食,爸爸同媽咪已經話會做我白老鼠試味~我緊張呀!唔知好唔好食呢!我諗都應該

  • 枕頭都好玩

    27 DECEMBER 2010 (MON) 自從買左張地膠之後,小小豬就已經愛上左係地膠上面玩,唔肯坐再坐係HIGH CHAIR度玩啦! 依個小小豬真係乜都玩得一餐,總之放啲物件係地膠上面,佢一拎到就可以玩,就連俾佢用嘅枕頭仔都唔放過,仲玩得好開心添~ 大家放心,係玩枕頭嘅時候小豬媽係

  • 試用:Dr. Think+ 有機珊瑚草毛孔刷及泡沫潔臉乳

    28 AUGUST 2015(FRI) 謝謝KC Korea為我送上一套韓國最新推出嘅品牌【Dr. Think+】嘅潔面套裝,包括有Dr. Think+ 有機珊瑚草毛孔刷 及Dr. Think+ 有機珊瑚草泡沫潔臉乳~其實呢...我都係一個幾懶惰嘅人,平日都只係會用好簡單嘅步驟嚟護膚。不過懶惰極...我都會好留意洗面依個部分,因為洗面係潔面嘅基本步,清得乾淨啲,咁就唔會令皮膚繃繃緊,又可以等啲CREAM吸收啲嘛! Dr. Think+ 有機珊瑚草泡沫潔臉乳~ 含有珊瑚草成份,擁有天然的抗菌功能同時可以潔淨老化物,令毛孔細緻,舒適地淨化疲憊肌膚。對去除黑頭、清潔毛孔、鎮靜敏感肌膚及補水都好有效用呀! 柔軟嘅潔面膏,只需要加少少水就能產出輕柔、無刺激嘅泡泡,敏感肌亦可以使用呀~ Dr. Think+ 有機珊瑚草毛孔刷~ 利用韓國順天灣珊瑚草製作的細毛刷,每條細毛只有 0.009m

  • 酒樓送的簽名布

    前兩日除左去酒樓拎隻婚紗DVD之外,酒樓經理仲俾張佢地送嘅簽名布我地睇呀! 一睇之吓,真係好靚,比新天地送嗰張靚好多呀!真係完全冇諗過酒樓都有咁多好野。 張相同個景又好襯,特別係好似同我個花球一SET咁,大家都係粉紅色玫瑰呀,真係越睇越鐘意呀! 依家張簽名布放左係酒樓,等嗰日先可以再睇到啦! 不過咁

最新活動

【新春好去處】最期待賀歲片一覧...

仲有一個月就到農曆新年,睇賀歲片係不可少嘅家庭活動。今年有多...