我都好耐冇煲胡椒豬肚湯啦! 因為我懶呀! 唔想洗豬肚， 嘻嘻!今次唯有買急凍豬肚， 方便唔需要洗得太辛苦； 不過每次都會俾母親大人駡我懶， 新鮮豬肚煲湯好味道o架! 所以呢，母親大人下次妳一定要煲俾我哋飲呀! 呢個湯又得飲，又有得食， 超正呀!     &nb

我好鐘意蒸肉餅加D燕麥落去， 一來肉餅滑D外， 二來我罐1KG嘅燕麥， 唔覺唔覺就嚟食完架啦! 材料:甜梅菜半棵、豬肉碎1磅、燕麥片(麥皮)2湯匙醃料: 豉油1湯匙、糖1茶匙、麻油少許、粟粉少許、水2湯匙 做法: 將梅菜浸洗30分鐘後切碎；將豬肉碎、燕麥和梅菜放入碗內， 落醃料混合後攪至起膠；將豬肉餅放入大碗內， 用大火蒸15分鐘熄火焗3分鐘便成。 大家可以入嚟Facebook讚下我新開嘅Fans專頁呀! 雀后(添飯)Facebook Fan Page

遠在澳州嘅T&P伉儷返咗嚟香港， 我哋約埋齊齊出嚟食飯聚一聚， 今次聚嘅地點係尖沙咀滬江飯店! 大家都認同， 食物水準冇以前咁好囉! 大家可以入嚟Facebook讚下我新開嘅Fans專頁呀! 雀后(添飯)Facebook Fan Page

星期六下午， 我同小魔怪返惠州， 老公和如奶就一早上去辦少少事； 我哋去到惠州匯合姑奶和姪仔後， 姑奶帶我哋去飲豬肉湯； 一間家鄉砵仔豬肉湯都可以做到上市， 勁喎! 小魔怪大讚好好飲呀! 晚飯時， 姪仔攞咗本手抄本族譜俾小魔怪睇， 嘩， 睇還睇， 小心撕爛呀!  星期日， 我哋去咗惠州華貿天地行街街， 一座大型商場， 應有盡有， 我哋熟悉的如market place、稻香等等， 都係度營業， 不過， 最後我哋揀咗食韓燒， 10個人食咗615人民幣!