老公好鐘意食苦瓜， 佢鐘意苦瓜嘅甘苦味， 唔苦唔好食喎! 我就麻麻哋鐘意食喇， 我會加少少鹽將個苦瓜出出水， 炆起個苦瓜會冇咁苦架! 材料: 苦瓜2條、豬肉餡、蔥粒、粟粉水、鹽 調味: 蠔油1湯匙、鹽半茶匙、豉油大半湯匙、老抽少許、糖1茶匙、1碗半水 做法: 豬肉餡用普通醃料醃30分鐘(豉油、糖、粟粉、麻油)； 苦瓜切件後放入鹽水出水2分鐘左右後撈起， 用刀仔切去中間瓜囊，將豬肉餡釀入苦瓜內； 凍油落鑊放入苦瓜略煎肉餡兩面， 加入調味煮滾後，用細火慢慢炆30分鐘左右或至瓜腍， 將苦瓜撈起放入碟內，將餘下的蠔油汁加粟粉埋芡汁， 淋在苦瓜面及灑上蔥粒便成。 大家可以入嚟Facebook讚下我新開嘅Fans專頁呀! 雀后(添飯)Facebook Fan Page

材料:花膠仔10隻、甘筍2條、青蘿蔔1個、 排骨頭$40、粟米1條、瑤柱8粒、蜜棗3粒、南北杏1湯匙和鹽做法:花膠仔出水備用；排骨頭出水後用1茶匙鹽醃1小時；紅蘿蔔、青蘿蔔和粟米去皮切件；燒熱大鍋水，將所有材料放入煲內煲2小時，最後加鹽調味便成。花膠出水方法: 早一晚用水先浸定花膠，燒熱一鍋水將花膠、薑和蔥一齊出水15分鐘，熄火焗3-4小時或以上。 ~青蘿蔔肉質細密，水多味甜、微辣， 有清除內臟塵埃、潤燥生津之功；~紅蘿蔔則寬中下氣、健胃助消化。(網上資料) ~花膠能補腎益精，滋養筋脈，能治療腎虛滑精及產後(產後食品)風痙。花膠含豐富的蛋白質及膠質，具滋陰養顏，補血，補腎，強壯機能。腰膝酸軟，身體虛弱，最適宜經常食用。(網上資料) 大家可以入嚟Facebook讚下我新開嘅Fans專頁呀! 雀后(添飯)Fa

12月31日， 我哋一行8人齊齊返廣州探叔父大人， 今次係祈祈BB第一次返廣州， 佢不知幾興奮呀! 我哋揀咗坐直通車由紅磡去廣州東站， 咁老人家和小朋友過關就唔使咁辛苦喇! 妹夫一早上網訂咗叔父家附近的酒店， 平平哋$250晚， 簡簡單單， 設計OK啦! 未探叔父之前醫醫肚先。 堂姐堂妹佢哋見到我哋咁多人一齊返廣州， 真係好高興， 一早整咗咸茶粿俾我哋食， 老公大讚好味， 雖然食完午飯佢都食咗兩個； 堂姐仲專登叫堂弟係雲南寄咗幾餅茶葉俾我哋呀! 探完叔父之後， 我哋各自活動， 母親大人和妹夫齊齊去按腳

食完午飯，導遊帶我哋入黃姚古鎮啦!今次入住酒壺山賓館，嘩，呢間靚過前一晚嘅賓館多多聲，設備現代化，掂呀! 放低行李後，我哋出發行過去古鎮啦!咪話，咁樣行個圈都行咗2個鐘頭呀! 呢度就係我買醃菜嘅地方啦!任試任食，俾個樽妳，任妳自己裝，裝得幾多就要睇