冬菇瑤柱炆豬肉
師奶即係師奶， 見平就買埋買埋一大堆嘢； 幾日前大掃除， 俾老公發現咗我買咗好多冬菇返屋企， 下令一定要清喎! 軍令如山， 不得違抗! 如果加埋生菜墊底， 咁就可以做一個賀年餸啦! 材料: 冬菇10隻、瑤柱8粒、有皮腩肉1斤、薑片、蒜頭(略拍)、 雞湯1碗、紹酒少許、老抽半茶匙、粟粉水少許 醃料: 豉油1湯匙、糖1茶匙、粟粉1茶匙、紹油少許 調味: 蠔油1.5湯匙、豉油1湯匙、冰糖1湯匙、瑤柱水半碗 做法: 冬菇浸軟去蒂；瑤柱浸軟(留瑤柱水)；腩肉出水後切件， 用醃料醃30分鐘；凍油落LC鍋，落薑片和蒜頭煎香， 取出蒜頭，加腩肉爆香贊酒，落冬菇、瑤柱、調味和雞湯煮滾後， 轉細火炆45分鐘至1小時，最後加入老抽半茶匙和粟粉水埋茨便成。
