02
11.2015

《兩兄弟打機》—我的足球人生(中)

環球旅遊   數碼科技   生活品味  
標籤: 足球  家庭用品  兄弟  打機 

《兩兄弟打機》—我的足球人生(中)

《兩兄弟打機》—我的足球人生

(中)

講到打足球game,小弟都走過一段漫漫長路。

打機打機

由小學打Gameboy可以出必殺技嘅熱血足球,升中暑假黐哥哥機打SEGA Saturn嘅V-Goal,到年滿16歲走入街機舖打Virtua Striker,繼而自己儲夠零用錢買FIFA 99留番係屋企打(當年梗係買番梘啦,小朋友就唔建議學喇),每發現一隻新足球game都想試,當然下刪百幾隻垃圾足球game就唔在講啦。順帶一提,唔知點解當年FIFA 99係真實到可以飛鏟龍門洩憤嘅,但後果係會換黎一張紅牌(好似係)。

打機

小弟酷愛打足球game嘅程度唔只因為玩得夠雜,而且玩得夠瘋狂。

初中時期Winning Eleven興起,貧窮嘅小弟曾經因為買唔起部Playstation而走去問同學借左隻PS電腦模擬器同遊戲碟,瘋狂到攞左個Keyboard走去打Winning,每日就以學琴姿勢對住部電腦打打打,因而練得一手打足球game不錯嘅身手。

甚麼閃電式連環撞牆、無影腳一轉身推橫即射遠柱、禁區邊左顧右盼突然放冷箭遠射,以上種種都係小弟係現實生活踢波完全做唔到,只能夠係遊戲世界自我陶醉一下。

時而勢易,當近年<<FIFA系列>>壓倒性擊敗<<Winning Eleven系列>>,小弟亦已經係一個能夠自給自足嘅上班一族。每年9月尾一出最新一集FIFA,小弟荷包亦會自動供奉400蚊,作為同哥哥過中秋嘅禮物。

打機

驀然回首,足球game的確係陪伴住我同哥哥一齊成長嘅恩物。

小弟家境絕不富有,亦談不上小康之家,當年Gameboy都興左好幾年先買到一部。每次打熱血足球都只能夠一人打一場,未輪到我打嘅時候,我只能夠聚精匯神望住哥哥打,同時培養左靜心等待嘅耐性、從旁觀察嘅細緻,以及旁觀者不得依牙鬆鋼嘅美德。

如果有巴打同朋友打機對陣過都應該深深明白,不論係足球遊戲定格鬥遊戲,只要打得投入,有時輸起上黎,真係難免情緒失控。由於小弟喜歡鑽研足球game,所以情緒失控嘅7成都係我哥哥。

「勝不驕,敗不餒」嘅處世之道,亦由打機開始學曉。

記得有一次我地打足一晚FIFA,佢都冇贏過我,無論佢點用力,都入唔到我波,而且大發脾氣,誓言唔贏番一場唔會上床瞓覺。而我亦留意到朝早工作左一整日嘅哥哥已經累得反應緩慢,無法做出準確判斷。

仲讀緊書嘅我忽然體會到哥哥嘅辛酸。日頭辛苦工作擔起頭家,俾零用錢我洗,但係職場初出茅廬唔慌順利,一定受到不少挫折,返到屋企即使再努力都仍然不斷輸。果一刻我收起勝利者嘅自滿,有技巧地放左一場水,俾哥哥滿足地炒左一場5比2,好讓佢安心休息,聽朝一早又要返公司搏鬥。

小弟性格有個弱點,就係比較慢熱,遇上新事物都需要一段時間方能適應。

每年中秋,總會開隻全新FIFA試game,由於每集設定皆有微調,小弟每開新game例必被炒。唯有沉得住氣,不斷吸取失球教訓,不斷轉動腦筋找尋入球方法及加強防守,一場又一場修正。即使係事業上遇到困局,我都會嘗試用係打機領悟得來嘅哲理處理危機。

早幾年哥哥搬出去自住,見面時間日少,幸好互聯網已發展成熟到可以連線打機。而家兩兄弟一夾到時間就連線打機,藉此維繫感情。

打機
未有DirtBye幫手之前嘅遊戲機手掣

要洗得出上述提過又撞牆又遠射嘅足球技倆,雙手必須緊貼遊戲機手掣,並且不斷磨擦,名乎其實「手」「掣」合一。加上小弟手汗極多,每每留下不少老泥係手掣之上,尤其是手掣中間嘅罅隙。

以前小弟會用牙簽同棉花棒慢慢撩天光,而家就學精左用一支專門清潔罅隙污漬嘅小道具DirtBye,一個句講哂…

打機

》快!靚!正!《

 

老老豆豆,賺左d時間番黎可以打多兩舖機喇!

人大左,人生道路上自然會有不同分岔口。

經歷時間洗禮,哥哥而家已經完成兒時夢想,成為一位專業全職自由身配音員,間中仲會係電視機前聽到佢把靈活多變嘅靚聲。

而小弟亦係機緣巧合下,跟結識十年有多嘅朋友踏上創業之路。大家都各自忙到不可開交,鮮有機會坐定定打舖機。

不過忙還忙,一世人兩兄弟,感情始終冇變。最近新project就搵左大哥仗義相助,錄低片尾報幕(大家大可直接飛到最後5秒)。

 

兄弟之間,就係有種心照不宣,一切樂在心中嘅感情。

打機兄弟

下回預告﹕四小強組隊創業,感覺猶如跟3位世界級球星踢波一樣…

發表於2015.11.02
留言(0)
博客名稱:
Korean Gears For Life
網誌名稱:
korgears's blog
使用天數:1,795
年齡:4
電郵:korgearsforlife@gmail.com
按月份瀏覽
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
    2019
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
  • 財經生活
熱門文章
  • 係銷毀鴉片呀!!!!!

    係銷毀鴉片呀!!!!! 唔知大家有無睇開電視,岩岩今個星期播緊梟雄,本人對呢D劇集無咩興趣,但係同事小明就追得相當亢奮:「頂,秋生呢D咪識做戲LAW,做到七情上面,不過又嚟玩燒鴉片,係人都知鴉片唔燒得,燒左好大鑊,D人聞到會上癮,要用海水、生石灰和鹽鹵等銷毀鴉片。」 佢呢句說由朝早九點半開始講,講到一點半食完LUNCH都係甘講,正當我以為全公司都想打佢嘅時候,竟然公司九成嘅雌性都圍住左佢,用好仰慕嘅眼神望住佢。 我簡直係晴天霹靂,講呢D野都可以吸甘多女埋身,真係世道之崩壞!!! 我仲以為沉默寡言先可以吸引D後生女點知……原來係要講CCTVBD膠劇劇情大踢爆先得。我真係同時代脫哂節了……. 正當我仲反思緊銷毀鴉片,同燒毀鴉片嘅時候就見到PARTNER 拍左條片講郊外無火煮野食….. 真人

  • 韓國留學生活(2) – 犀利呀韓國日記

    韓國留學生活(2) – 犀利呀韓國日記 上次就介紹左語學堂既種類,今次將會講下選擇大學既細節。當你決定左自己想讀邊一種課程之後,就要為自己物識一間適合自己既大學啦! 韓國既大學有好多,無論首爾市內定係近郊都有好多選擇⋯⋯ 要係咁多選擇裏面,揀最岩自己既學校,首先要考慮既就係地點既問題!可能有人會認為學校先係優先考慮既要素,但係我就有唔同既睇法~ 因為語學堂大致上都係差不多,分別在於重點放係咩範疇。 要睇哂咁多間大學既資料再篩選既話,簡直係大海撈針。 而我,就覺得可以先從地區入手,因為通常一個地區附近都總有幾間大學,所以先揀好想居住既地區,再慢慢研究個個地區既大學,咁就可以更有效咁搵到適合自己既大學。當然啦,我相信大家都聽過好多出名既大學,例如:梨花女子大學、弘益大學等等⋯⋯ 直接選擇有名既大學亦都得既,不過有可能會出現日後生活上既好多不便。以我自為例,我就揀左

  • 我哋好快俾人拉⋯⋯

    我哋好快俾人拉⋯⋯ 本身呢,我哋呢個Blog係唔會講政治嘢嘅(最多都係笑下其他人嘅啫)⋯⋯ 不過見琴日叱咤頒獎典禮入面黃偉文Wyman講嘅一席話⋯⋯ 我頓時覺得自己好危險! 事關我哋成日攞啲公眾人物嘅相嚟Post,應該十篇文有九篇都中蕉㗎啦~ 真係洗定個蘿柚都得⋯⋯ 不過我又諗,其實俾人拉又有乜好怕wor? 起碼都叫做知道個人喺邊丫麻~~ 又有3餐供應,又有地方住,唔洗煩租樓買樓結婚生仔,都唔錯丫! 不過,無啦啦”被消失”就真係驚啲,仲要你喺大陸打返香港用普通話報平安⋯⋯ 我普通話唔掂㗎麻,點講呀?? 嗱,都話唔講政治嘢,所以唔好以為我會講落去,政治呢啲嘢我真係識條鐵咩~ 小弟本身唔會去研究政治,事關小弟覺得政治本身只係一場遊戲。 遊戲只要跟住規則玩就可以了,本身並不一定每件事情都對社會有益處⋯⋯ 睇人玩遊戲,亦都要有旁觀

  • 啪骨的誘惑

    又UPDATE下我哋啲近況先! 有留意開我地FACEBOOK嘅朋友,都知我地近排租多左個倉嚟擺貨啦,因為真係太多貨,OFFICE嗰邊已經擺唔晒… 亦都因為咁,喺倉嗰邊都有啲奇遇⋯⋯ 事情是咁的: 啲貨入完倉之後就要點貨,嗰晚7點幾點到11點幾都未點完。 雖然我哋係4個大男人,但係我哋絕對唔係啲默默苦幹嘅人⋯ ⋯成晚一路做,一路喺度鬼叫,真係以為成層樓得我哋咁款… 突然,喺我哋叫到興高彩烈之際,有人輕聲敲門… …未應門之前,門後嘅人已經打開度門⋯ ⋯但係只打開約3吋嘅空隙⋯ (⋯彷彿想話俾我哋知,佢唔係真係想入嚟…) 然後門後面有一把磁性厚實嘅男人聲,好輕聲咁講咗句: 「HELLO………阻唔阻你哋呀………&h

  • 「男人老狗唔飲酒,不如飲果汁先生!!!」

    記得大學上莊時,總係免不了飲酒,你知啦,中學去大學,乜都要試一下。 小編中學真係一隻小綿羊,連啤酒都未飲過,點知一去到大學就溝酒,你話點會有好結果。 好記得上莊選舉完之後去左旺角一間任飲任食火煱,故事由此起﹕ 話明任飲任食,食的當然唔會好得去邊,仲要讀緊書,個價係平到一張100蚊有找,好明顯係一班人旨在一齊食下野。 話說 Polling完已經十一點,去到火煱店已經冇乜人,我地一行十人著晒西裝開左張枱就不停食,當然食來食去都係個d啦。 重點係,佢地任飲,可樂,芬達,碧泉檸檬茶,同埋啤酒 (已經唔記得係乜牌子) 原本相安無事,點知食食下友莊又揀呢度慶功,佢地就坐係我地隔離張枱。 莊員當中有幾個特別熱情,講野越黎越大聲,粗口越來越多,跟住就係互相祝賀的時間,即係飲酒時間。唔知點解突然會有幾支紅酒走左出黎,又唔知點解當時酒樓經理唔出來阻止…… 其實小編的

最新活動

【新春好去處】最期待賀歲片一覧...

仲有一個月就到農曆新年,睇賀歲片係不可少嘅家庭活動。今年有多...